Il-kowċ Gary O’Neil irċieva l-konferma li se jkun qed jibqa’ jmexxi lil Wolverhampton Wanderers għallinqas għal-logħba li għandhom fi tmiem din il-ġimgħa kontra Ipswich Town.
Kien hemm ħafna spekulazzjonijiet li dan il-kowċ jista’ jiġi mneħħi mill-kariga iżda l-bord tad-diretturi ta’ Wolves qalu li għandhom fiduċja sħiħa fix-xogħol li qed jagħmel il-kowċ ta’ 41 sena.
Hu flimkien mal-istaff tal-kowċis se jippruvaw idawru x-xorti ta’ dan it-tim li jinsab fil-post ta’ qabel tal-aħħar fil-klassifika tal-Premier League fl-Ingilterra.
