Aktar kmieni għall-ħabta tat-7:45 a.m fuq il-midja nxterdet twissija ta’ konġestjoni kbira ta’ traffiku f’Santa Venera fejn kien allegat li kien hemm vann li ħa n-nar.
Fost il-ħafna kummenti li segwew din it-twissija kien hemm ġenituri li bdew jinkwetaw li seta’ kien vann tal-iskola, anke minħabba l-ħin li fih kien irraprtat l-inċident.
Minkejja dan kelliem għall-Pulizija kkonferma magħna li l-Pulizija marret minnufih fuq ir-rapport, iżda fortunatament irriżulta li ma kien hemm l-ebda nirien.
