Il-coach Taljan, Gennaro Gattuso, 44 sena, ġie maħtur minn Valencia ta’ La Liga b’kuntratt ta’ sentejn, wara li ilu bla club minn Mejju 2021 meta ħalla lil Napoli li magħhom rebaħ il-Coppa Italja fis-sena ta’ qabel.
L-ex midfielder tal-Italja, Gattuso, kien maħtur coach ta’ Fiorentina fis-sajf li għadda iżda nfired mill-club qabel id-data uffiċjali tal-bidu tiegħu.
Gattuso, li qatta’ 13-il sena bħala player ma’ Milan, se jieħu post Jose Bordalas, li tkeċċa nhar il-Ġimgħa.
