Hekk kif l-FIGC bdiet il-proċess diffiċli ta’ rikostruzzjoni fit-tim nazzjonali Taljan, hekk kif il-kowċ Gennaro Gattuso mistenni jirriżenja mill-kariga tiegħu fis-sigħat li ġejjin, wara li l-Azzurri naqsu milli jiksbu post fit-Tazza tad-Dinja 2026 għat-tieleit darba konsekuttiva, żewġ ismijiet kbar diġà qed jitqiesu bħala l-kandidati primarji biex jieħdu t-tmun tat-tim nazzjonali Taljan f’idejhom.
Qed jiġi suġġerit li Antonio Conte u Massimiliano Allegri huma l-ismijiet fil-quċċata tal-lista tax-xewqat għall-FIGC. Iż-żewġ kowċis għandhom l-esperjenza kollha meħtieġa biex ilaħħqu mal-pressjoni tat-tim nazzjonali Taljan, għalkemm it-tnejn li huma bħalissa huma marbuta ma’ klabbs ewlenin fis-Serie A.
Conte, li fil-passat riċenti mexxa lill-Azzurri, fosthom waqt Euro 2016, bħalissa qiegħed fit-tmun ta’ Napoli, filwaqt li Allegri reġa’ lura jmexxi lil AC Milan. Filwaqt li s-sidien rispettivi tal-klabbs Aurelio De Laurentiis u Gerry Cardinale jistgħu ma jkunux ħerqana li jitilfu s-servizzi tal-kowċis tagħhom f’nofs il-proġett, l-attrazzjoni li jmexxu lill-Azzurri u missjoni ta’ rikostruzzjoni fit-tul jistgħu jkunu diffiċli għal kwalunkwe kowċ biex jirrifjuta.