Jintemm il-ġuri dwar il-qtil ta’ Daphne Caruana Galizia u l-Avukat Carmel Chircop. Dan wara li l-Imħallef Edwina Grima tat is-sentenza dwar il-qtil ta’ Daphne Caruana Galizia u l-Avukat Carmel Chircop.
L-akkużati huma l-aħwa Adrian u Robert Agius magħrufa bħala “Ta’ Maksar”, George Degiorgio magħruf bħala “ċ-Ċiniż” u Jamie Vella.
Filwaqt li l-aħwa Agius, Vella u Degiorgio kienu akkużati b’reati relatati mal-omiċidju tal-Avukat Chircop, Robert u Jamie kienu akkużati wkoll li fornew il-bomba li qatlet lil Daphne Caruana Galizia. Huma wieġbu mhux ħatja tal-akkużi miġjuba kontrihom.