Il-midfielder ta’ Paris Saint-Germain, Georginio Wijnaldum, mistenni jirritorna fil-Premier League dan is-sajf.
L-internazzjonali Olandiż għamel ftehim ta’ tliet snin fil-Parc des Princes mal-wasla tiegħu minn ma’ Liverpool fl-2021 iżda tħabat biex iħalli impatt konsistenti taħt il-gwida ta’ Mauricio Pochettino.
Wijnaldum irreġistra tliet goals u żewġ assists f’29 dehra għal PSG fil-kompetizzjonijiet kollha, iżda l-player ta’ 31 sena naqas li jikseb post regolari fl-ewwel 11.
Huwa mifhum li kemm Wijnaldum kif ukoll PSG aċċettaw li t-trasferiment kien żball, u l-midfielder se jkun wieħed minn diversi players ta’ PSG li jħallu l-club fis-sajf.
Jidher li ritorn fil-Premier league huwa l-aktar għażla probabbli għal Wijnaldum, iżda Liverpool mhux mistennija jippruvaw jerġgħu jiffirmaw lill-ex player tagħhom.
Wijnaldum preċedentement irreġistra 27 goal u 16-il assist f’217-il dehra fil-Premier League waqt l-esperjenza tiegħu mar-Reds u Newcastle United.
