Getafe għandhom l-objettiv li jżommu lill-attakkant Ingliż Mason Greenwood u għalhekk jixtruh għalkollox mingħand Manchester United.
Greenwood ingħaqad mat-tim Spanjol wara li nħeles mill-akkużi ta’ stupru ftit tax-xhur ilu. S’issa hu lagħab tmien partiti, skorja gowl u wettaq żewġ assists lejn sħabu.
Ir-Red Devils qed iħallsu s-salarju tal-plejer u fil-verita’ din l-idea togħġobhom ħafna għax ikunu qed jeħilsu minn spiża.
Min-naħa tiegħu, Greenwood jixtieq jibqa’ fi Spanja għax bil-mod il-mod qed jerġa’ jsib il-forma antika tiegħu.
