It-tieni edizzjoni ta’ ‘Għargħur’s European Week of Sports 2025’ b’risq il-Fondazzjoni Puttinu Cares, se tilħaq il-qofol tagħha għada l-Ħadd b’diversi attivitajiet.
Fost l-oħrajn, mis-7.30 a.m. ’il quddiem, mistennija ssir mixja ta’ 5 kilometri li tibda minn Misraħ il-Għargħur.
Is-Sindku Mariah Meli ħeġġet lil kulħadd sabiex jipparteċipa għal għan nobbli.
Dan filwaqt li rringrazzjat lil dawk kollha li taw sehemhom biex l-attivitajiet li ttellgħu matul din il-ġimgħa setgħu jkunu ta’ suċċess u anke lill-isponsors tal-għajnuna tagħhom.