Għada tintlagħab il-finali tal-League Cup

Il-65 edizzjoni tal-Football League Cup se tintlagħab f’Wembley Stadium għada bil-protagonisti jkunu Liver­pool u Newcastle Uni­ted. B’hekk l-ewwel rebħ ta’ unur għal dan l-istaġun se jkun magħruf għada b’Li­verpool jippruvaw ikabbru t-total għal 11-il rebħa waqt li Newcastle għadhom qatt ma rebħuha.

Liverpool se jfittxu li jiddefendu t-titlu tagħhom, wara li sena ilu għelbu lil Chelsea wara l-ħin barrani.

It-team ta’ Arne Slot se jkollu jinġabar wara l-elimi­nazzjoni mill-UEFA Champions League kontra Paris St-Germain nhar it-Tlieta, fejn rebħa tiżgura wieħed miż-żewġ trofej probabbli dan l-istaġun għal Slot.

Liverpool ma tilfux kontra Newcastle United fl-aħħar 17-il tentattiv tagħhom, b’reb­ħiet fi 12 minnhom, in­kluża fl-aħħar laqgħa tagħ­hom ix-xahar li għadda.

Newcastle se jkunu qed jittamaw li jtemmu l-istennija twila tagħhom għall-fidda, meta l-Magpies ilhom ma jirbħu trofew maġġuri mill-1969.

Waħda mit-tħassib ewlenija hija kif Liverpool se jlaħħqu mal-fiżika ta’ Newcastle f’nofs il-ground. Hawnhekk huma riferuti Nottingham Forest, Chelsea u Arsenal bħala timijiet li xi drabi dan l-istaġun “issuperaw lir-Reds f’nofs il-ground”, bi Newcastle diġà għamlu dan fil-konfront tagħhom f’St James’ Park.

Huma għandhom lil Bruno Guimaraes, Sandro Tonali u Joelinton bħala players li jistgħu jiddominaw nofs il-ground.

Iżda min-naħa l-oħra Li­verpool għandhom lil Mohamed Salah li jagħmel il-ħsara lid-difiża ta’ Newcastle fejn għalihom Dan Burn u  Fabian Scharr huma pedini importanti quddiem il-goalkeeper, Nick Pope, li reġa’ ħa postu bejn il-lasti.

Bi Trent Alexander-Arnold mhux disponibbli, l- għażla ta’ difensur lemini ta’ Liverpool hija punt ewlieni ta’ diskussjoni. Conor Bradley huwa wkoll assenti, li jwassal għal diskussjonijiet dwar jekk Jarell Quansah għandux jibda hemmhekk jew jekk Andy Robertson jew Kostas Tsimikas jistgħux jiġu skjerati fi rwol mhux familjari.

Tsimikas jista’ jkun importanti jekk il-logħba tin­temm bil-penalties għax me­ta lagħab fil-finali tal-FA Cup, kien hu li ta l-aħħar wieħed fix-shoot-out.

Madankollu, huwa nnotat li Quansah huwa l-iktar għażla probabbli meta Joe Gomez għadu mweġġa’.

Tqabbil ieħor ewlieni se jkun Alexander Isak kontra Virgil van Dijk bl-attakkant ta’ Newcastle kkawża problemi sinifikanti lid-difiża ta’ Liverpool fil-passat, u jridu joqgħodu attenti mit-theddida tiegħu. 

Newcastle huma ddis­prati biex itemmu n-nixfa tat-trofew ta’ 70 sena, li huwa fattur ta’ motivazzjoni enormi. Dan huwa mument kbir għalihom biex jintemmu kważi sitt deċennji ta’ stennija … Din hija l-finali tagħhom tat-Tazza tad-Dinja.

Guimaraes diġà fformula l-logħba bħala l-akbar okkażjoni ta’ Newcastle f’dawn is-snin, u qal, “Din hija l-finali. Bħal ħafna drabi Liver­pool jafu jqumu għall-okkażjoni meta għandhom ir-rebħ tal-Premier League miktub għalihom fuq il-ħajt.

Huma jridu jpattu għad- diżappunt ta’ kontra Paris SG li bl-għoti tal-penalties setgħet marret kull naħa. U issa jridu jgħollu l-li­vell tagħhom kontra t-team ta’ Eddie Howe li min-naħa tie­għu għadu qatt ma rebaħ trofew maġġuri.