Il-Kap tal-Partit Nazzjonalista Bernard Grech qal li għadu miftuħ għad-diskussjoni mal-Prim Ministru għall-ħatra tal-Ispeaker.
Permezz ta’ messaġġ fuq il-midja soċjali, Grech qal: “L-id tal-ħbiberija li l-Prim Ministru u jien qed noffru għandha twassalna għall-ftehim sa minn din l-ewwel opportunità.”
Huwa żied jgħid: “Nappella lill-Prim Ministru biex flimkien insibu soluzzjoni biex tkun rispettata l-imparzjalità f’din l-ogħla istituzzjoni ta’ pajjiżna biex nevitaw li tirrepeti ruħha s-sitwazzjoni li kellna fil-leġislatura li għaddiet.”
