Rebecca Williams, tfajla ta’ 21 sena minn Criccieth, Wales, li kienet taħdem bħala għalliema, ġiet akkużata li ħadet sehem f’attivitajiet sesswali ma’ student f’żewġ okkażjonijiet separati.
Il-Prosekutur Richard Edwards, qal li Williams kienet għaddiet għal student adolexxenti u ħaditu d-dar tagħha. Huwa kompla jgħid li l-akkużata u l-istudent qagħdu jaraw it-televixin, imbagħad sar l-att sesswali u għaddew il-lejl fid-dar tal-akkużata.
Williams imbagħad bdiet tikkomunika mal-istudent permezz ta’ messaġġi fuq il-mowbajl fejn talbitu sabiex jerġgħu jiltaqgħu bil-għan li jagħmlu att sesswali ieħor. Il-Qorti ġiet mgħarrfa li Williams riedet tidħol f’relazzjoni mal-istudent, però hu min-naħa tiegħu blokkja lil Williamsminn fuq il-mowbajl.
Meta nstema’ l-każ il-Qorti, iktar kmieni llum, l-Imħallef Saffman akkużat lil Williams li kellha “relazzjoni intima miegħu”. Williams ammettiet l-akkużi miġjuba kontriha u ngħatat sentenza sospiża ta’ 12-il xahar ħabs, multa ta’ £576 u isimha se jitniżżel fir-reġistru tal-pedofli għal 10 snin sħaħ.
Il-prosekuzzjoni tmexxiet minn Richard Edwards.