Eks għalliem ta’ skola sekondarja f’Missouri li kienet akkużata b’avvanzi sesswali fuq wieħed mill-istudenti tagħha ġiet meħlusa minn dawk l-akkużi kontriha wara li hi u l-istudent iżżewġu.
Baylee Turner kienet ġiet akkużata fi Frar 2019 li kellha x’taqsam sesswalment ma’ wieħed mill-istudenti rġiel tagħha matul l-ewwel sena tagħha bħala għalliema tal-Ingliż fl-Iskola Għolja ta’ Sarcoxie, f’Missouri.
L-akkużi kontriha inħarġu wara investigazzjoni mid-Dipartiment tax-Xeriff tal-Kontea ta’ Jasper.
F’Jannar ta’ dik is-sena, meta hi kellha biss 23 sena. Turner allegatament kienet ammettiet mal-pulizija li hi u l-istudent għamlu l-att sesswali fid-dar tagħha f’Jannar 2019.
Ix-xahar li għadda iżda, l-akkużi kontra Baylee Turner ġew miċħuda wara li hi u l-istudent, li ismu ma ngħatax għaqqdu l-għoqda fiż-żwieġ. Il-fatt li hi u l-istudent iżżewġu kellu impatt fuq il-kors tal-każ, skont Nate Dalley, assistent prosekutur fil-każ.
Skont Dalley wkoll, l-istat ċivili ġdid ta ‘Turner ifisser li l-privileġġ taż-żwieġ jew tal-konjuġi issa japplika għall-każ u li dan ifisser li l-istudent ma jkunx jista’ jixhed kontriha. Minħabba dan l-istat, ukoll, iż-żmien isir aktar diffiċli biex il-każ jiġi ppruvat fil-qorti.
Mhux ċar meta Turner u l-istudent iżżewġu. Id-dokumenti tal-Qorti ma jiżvelawx l-età tal-istudent, u minn dak iż-żmien it-tnejn marru joqogħdu barra minn Missouri. Turner kienet irriżenja minn Sarcoxie High School wara l-arrest tagħha fi Frar 2019, u sussegwentement ċediet il-liċenzja tat-tagħlim tal-istat ta’ Missouri. Hija kienet tgħallem fl-iskola tan-nofs tad-distrett għal sentejn qabel ma telgħet taħdem fl-iskola sekondarja.
L-affidavit tal-kawża probabbli ppreżentat fil-każ ma pprovdiex l-età tal-istudent. F’Missouri, kuntatt sesswali ma’ student minn impjegat jew għalliem, voluntier jew uffiċjal tad-distrett tal-iskola, irrispettivament minn jekk l-istudent huwiex minorenni jew ta’ età, huwa pprojbit bil-liġi
Turner kienet waħda minn sitt edukaturi żgħażagħ fil-Lbiċ ta’ Missouri li fl-aħħar snin ġew akkużati li kellhom relazzjonijiet sesswali ma’ student.
