L-għadd ta’ dawk li mietu fl-għargħar fil-Kenja tela’ għal 88. Dan qalu l-Gvern, hekk kif żewġ xmajjar faqqgħu l-banek tagħhom.
Nhar it-Tnejn, ix-Xmara Nyando fil-punent tal-Kenja, għarrqet sezzjonijiet tal-Pont Ahero flimkien mat-triq Kerich-Awasi-Kisumu u ħarbtet it-trasport fir-reġjun.
Il-gvern ħeġġeġ lis-sewwieqa biex jevitaw ir-rotta li jinsabu mgħarrqa u sabiex ifittxu toroq alternattivi.
Stqarrija qalet li “dan l-avviż huwa speċjalment kritiku matul is-sigħat tad-dlam, meta jista’ jkun diffiċli li jiġi ddeterminat b’mod preċiż il-fond u s-saħħa tal-ilma li jiċċirkola.”
L-isforzi ta’ salvataġġ immexxija mis-Soċjetà tas-Salib l-Aħmar tal-Kenja intensifikaw fl-aktar żoni milquta.
Fiż-żona ta’ Nyando, it-timijiet ta’ salvataġġ evakwaw aktar minn 200 persuna u aktar minn 200 bhejjem, filwaqt li mill-inqas żewġ familji ġew imneħħija mill-periklu immedjat.
L-awtoritajiet qed jaħdmu wkoll biex jevakwaw aktar minn 900 student mill-Iskola Nazzjonali tal-Bniet Ahero hekk kif l-ilmijiet tal-għargħar qed ikomplu jiżdiedu.
Ir-residenti qed jingħataw kenn f’faċilitajiet pubbliċi, inklużi uffiċċji tal-gvern, knejjes u ċentri tas-saħħa.
Sitt itfal mhux akkumpanjati kienu fost dawk li ġew salvati u bħalissa qegħdin taħt kura.
Dan it-tip ta’ għargħar ġie rrappurtat ukoll f’reġjuni oħra.