Iċ-Ċina kisbu żewġ midalji tad-deheb fl-aħħar ġurnata tal-Kampjonati tad-Dinja tal-Għawm tal-FINA f’Budapest, biex b’hekk għamlu clean sweep tat-13-il midalja għad-dispożizzjoni tagħhom filwaqt li Spanja rebħu finali drammatika bil-penalties fil-waterpolo tal-irġiel.
L-aħħar avveniment tal-qbiż fid-Duna Arena deher forsi l-akbar sfida għad-dominanza taċ-Ċina fil-forma tal-istilla Ġappuniż ta’ 15-il sena, Rikuto Tamai.
Iċ-Ċiniżi, Yang Jian u Yang Hao, kienu fil-biċċa l-kbira tagħhom bla problemi biex okkupaw l-ewwel żewġ postijiet fir-round preliminari u s-semi-finali tal-10m platform, iżda heddew li jinqalgħu fil-finali bi qbiż diżappuntanti fit-tielet round.
Iċ-champion renjanti u rebbieħ tal-fidda fl-Olimpjadi, Yang Jian, niżel fis-seba’ post filwaqt li l-kompatrijott tiegħu żamm it-tielet post.
Tamai llidja fir-rounds tlieta u erbgħa, inkluż 99.90, iżda skorja biss 56.50 punti fil-ħames b’reverse 3.5 somersaults tuck u kien barra mill-pożizzjonijiet tal-midalja.
Dan ippermetta lil Jian jieħu l-vantaġġ b’91.80 dahar 3.5 somersaults pike, u ssiġilla t-tieni titlu mondjali konsekuttiv b’515.55 punti.
Tamai anke pproduċa l-aħħar qabża enormi fejn skorja 95.40 biex spiċċa t-tieni fuq 488.00 punti. Hao ħa l-midalja tal-bronż b’485.45 punti.
Aktar kmieni fil-ġurnata, Chen Yiwen u Chang Yani, kienu kisbu deheb sinkronizzat fit-3m tan-nisa aktar komdu għaċ-Ċina.
Il-koppja kisbu l-ewwel u t-tielet fl-avveniment individwali ta’ 3m is-Sibt, u kisbu l-aqwa skor fil-ħames rounds tal-finali. It-total li kisbu kien ta’ 343.14 punti.
Il-Ġappuniżi Sayaka Mikami u Rin Kaneto kienu t-tieni fil-ħames rounds kollha u kisbu l-fidda b’303.00 punti, filwaqt li l-Awstraljani Maddison Keeney u Anabelle Smith ħadu l-bronż b’294.12.
