Għawm Dinji: L-Istati Uniti bi 17-il midalja tad-deheb

Meta l-bieraħ intemmet id-dixxiplina tal-għawm tad-19-il edizzjoni tal-Kampjonati tad-Dinja tal-Għawm, li qed isiru f’Budapest, l-Ungerija, l-Amerikani żiedu sitt midalji oħra, tnejn minn kull kulur biex spiċċaw komdi fil-quċċata tal-lista tal-midalji.

Bla dubju din id-dixxiplina ġiet dominata mill-Ame­ri­kani bi 17-il midalja tad-deheb, 11 tal-fidda u 16 tal- bronż għal total ta’ 44 b’warajhom jiġu l-Awstralja b’6, 9 u 2 u l-Italja b’5, 2, 3.

50m BACKSTROKE IRĠIEL

Hunter Armstrong tal- Istati Uniti rebaħ il-midalja tad-deheb fil-50m backstroke, meta  rebaħ fil-ħin ta’ 24.14 sekondi bil-fidda tmur għand il-Pollakk Ksawery Masiuk li kiseb ħin ta’ 24.49 u l-bronż ħadha t-Taljan Thomas Ceccon f’24,51.

1,500m FREESTYLE IRĠIEL

Giorgio Paltrinieri ta midalja tad-deheb oħra lill- Italja meta rebaħ il-maratona tal-pixxina, dik ta1,500m fil-ħin ta’ 14:32.80 quddiem l-Amerikan Bobby Finke li rebaħ il-fidda f’14:36.70 u l-bronż marret għand il- Ġermaniż, Florian Wellbrock f’14:36.94.

4x100m MEDLEY RELAY IRĠIEL

L-Italja  t-tieni midalja tad-deheb tal-ġurnata meta t-team tal-4x100m med­ley relay rebaħ fil-ħin ta’ 3:27.51 minuti, bl-Istati Uniti jieħ­du l-midalja tal- fidda fi 3:27.79 u l-Britannja rebaħ l-bronż fi 3:31.31.

50m FREESTYLE NISA

L-Isvediża Sarah Sjostrom għamlithom żewġ midalji tad-deheb u waħda tal-fidda meta rebħet il-50m freestyle fil-ħin ta’ 23.98 sekondi. Il-midalja tal-fidda marret għand il-Pollakka Kataryyna Wasick f’24.18 waqt li l-Awstraljana Meg Harris l-Amerikana Erika Brown ħadu bronż kull wie­ħed meta spiċċaw fl-istess ħin ta’ 24.38.

50m BREASTROKE NISA

Il-Litwanja  l-ew­wel deheb tagħ­hom meta Ruta Meillutyte spiċċat l-ewwel fil-ħin ta’ 29.70 sekondi waqt li t-Taljana Benedetta Pilato ħadet il-fidda f’29.80 u Lara van Niekerk tal-Afrika t’Isfel ħadet il-midalja tal-bronż f’29.90.

200m IND. MEDLEY NISA

L-Awstralja għamluhom 1-2 fil-200m individual medley meta Alexandra Walsh spiċċat l-ewwel u ħadet il-midalja tad-deheb fil-ħin ta’ 2:07.13 minuti waqt li Kaylee McKeown ħadet il-fidda f’2:08.57 u l-Amerikana Leah Hayes il-bronż fi 2:08.91.

4x100m MEDLEY NISA

Dawn il-kampjonati ma setax jintemmu jekk l-Istati Uniti ma jirbħux l-aħħar tellieqa li kienet l-4×100 medley relay meta ħadu d-deheb fil-ħin ta’ 3:53.78 minuti segwiti mill-Awstraljani li ħadu l-fidda fi 3:54.25 u l-bronż ħaduha l-Kanada fi 3:55.01.