Bħala parti mill-preparamenti għal-Logħob tal-Istati Żgħar tal-Ewropa (GSSE) tal-2023 li se jsiru f’Malta, l-ASA flimkien mal-Kowċ Nazzjonali Delon Dannhauser għażlu skwadra ta’ Għawwiema biex jipparteċipaw fis-CIJ Meet 2022 li se issir bejn it-18 u l-20 ta’ Marzu 2022 fil-Lussemburgu.
L-għażla saret fost għawwiema ta’ etajiet varji wara li ġew meqjusa r-riżultati u l-prestazzjonijiet tagħhom matul l-aħħar xhur.
| Neptunes | Sliema | Sirens | Aquahub |
| Azzopardi Mya | Borg Kelsey | Davis Jon-Paul | McCleave Nathan |
| Camenzuli Kristina | Cachia Dylan | Mallia Andrea | Micallef Nirvana |
| Camilleri Andre | Cachia Nathan | Spiteri Rudi | Umnov Mikhail |
| Demicoli Sarah | Galea Matthew | ||
| Micallef Amy | Galea Maya | ||
| Valletta Martina | Grech Carr Emily | ||
| Woods Thomas | Mallia Simon | ||
| Portelli Michela | |||
| Stafrace Michael | |||
| Sullivan Luke | |||
| Wareing Thomas |
L-Iskwadra titlaq minn Malta fis-17 u tirritorna fil-21 ta’ Marzu. Għawwiema bbażati barra minn Malta se jingħaqdu mal-iskwadra direttament mill-pajjiżi rispettivi tagħhom.
Delon Dannhauser se jkun il-Kowċ Prinċipali u se jkun assistit minn Andrew Pisani bħala fiżjoterapista. Christine Demicoli se tkun preżenti bħala Uffiċjal Kwalifikat tal-FINA biex tassissti fit-tmexxija tul il-Kompetizzjoni, filwaqt li l-Viċi President tal-ASA David Bonello inħatar bħala l-Maniġer tat-tim.
Matul it-tlett ijiem tal-kompetizzjoni l-għawwiema se jkunu qed jieħdu sehem f’total ta’ 90 avvenimenti individwali u 8 avvenimenti relay.
