Hamrun Spartans ħatru lill-kowċ Taljan Giacomo Modica bħala l-kowċ il-ġdid tagħhom.
L-iSpartans nhar is-Sibt ħabbru li Winston Muscat ma kienx se jibqa’ l-kowċ tagħhom, li fil-perjodu qasir tiegħu fit-tmexxija tal-klabb wassalhom għar-rebħ tat-titlu tal-Malta Premier
Modica, eks midfielder, fil-passat bħala player lagħab ma’ Palermo, Padova, Messina, u Ancona.
Iżda meta beda jaħdem fil-qasam tal-kowċing, Modica huwa partikolarment magħruf għall-assoċjazzjoni mill-qrib tiegħu ma’ Zdeněk Zeman, wara li serva bħala l-assistent tiegħu għal sitt snin, inkluż ma’ Fenerbahçe, Salernitana, u Napoli.
Modica beda l-karriera i tiegħu ta’ kowċ lura fl-2004 ma’ Cosenza. Imbagħad mexxa diversi klabbs, inklużi Melfi, Celano, Lecco, L’Aquila, Mazara, Cavese, Vibonese.
Huwa rritorna wkoll biex ikkollabora ma’ Zeman ma’ Roma (2012) u Cagliari (2014).
Modica kellu żewġ perjodi sinjifikanti bħala kowċ ta’ ACR Messina.
L-ewwel wieħed kien fl-istaġun 2017–2018 fis-Serie D, fejn mexxa lit-tim għas-sitt post.
Modica rritorna fl-2023, fejn mexxa lit-tim fis-Serie C. Huwa temm l-istaġun 2023–24 fl-14-il post, iżda rriżenja f’Jannar 2025 wara bidla fl-amministrazzjoni tal-klabb, u ħalla lit-tim fil-post tat-tielet mill-aħħar.
Ma’ Hamrun Spartans, Modica huwa mistenni li jimplimenta l-istil famuż tiegħu ta’ attakk tal-futbol, influwenzat ħafna mill-filosofija ta’ Zeman, fejn ħafna drabi juża sistemi bħal 4-3-3 jew 4-4-2.
Il-kowċ Taljan huwa apprezzat għall-passjoni u d-dedikazzjoni tiegħu, kif muri mill-messaġġi ta’ appoġġ mill-players ta’ Messina meta rriżenja.
Modica mistenni jibda xogħlu ma’ Hamrun Spartans din il-ġimgħa stess u se jkun qed ifittex li jakkwista xi players ta’ kwalità hekk kif ir-rebbieħa tal-Malta Premier mistennija jibdew bit-tħejjijiet tagħhom għall-fażi ta’ kwalifikazzjoni tal-UEFA Champions League.
L-iSpartans huma determinati li jagħmlu impatt fl-Ewropa dan is-sajf hekk kif il-president Joseph Portelli għadu determinat li jwettaq il-ħolma tiegħu li jmexxi lit-tim għall-istadji tal-gruppi tal-UEFA Conference League.
