L-eks difensur u captain tat-tim nazzjonali Taljan Giorgio Chiellini kien qed jiġi intervistat minn radju li jissimpatizza ma’ Juventus. Hu ġie mistoqsi b’mod skjett jekk jikkunsidrax li jkollu xi rwol fi ħdan it-tim Bianconero.
Chiellini, li bħalissa jinsab jilgħab fl-Istati Uniti ma’ Los Angeles FC, qal li jikkunsidra jixtri dar fil-belt ta’ Turin li hu jiddeskriviha t-tieni dar naturali tiegħu wara l-avventuri li qatta’ ma’ Juventus. Madankollu hu sostna li jkun unur li jservi lil dan il-klabb glorjuż.
Hu tkellem dwar it-tim ta’ dan l-istaġun li minkejja kull diffikulta’ sejjer mhux ħażin u awgura lill-eks kollegi tiegħu li jiksbu dak kollu li jixtiequ.
