L-amministratur delegat ta’ Inter Giuseppe Marotta kien qed jitkellem fuq stazzjoni tar-radju sportiv fejn il-kliem waqa’ fuq iċ-ċaqliq li se jkun hemm fil-jiem li ġejjin fis-suq tat-trasferimenti tas-sajf.
Marotta qal li jixtieq ħafna lil Davide Frattesi iżda kollox jiddependi mit-trasferiment ta’ Marcelo Brozovic.
Barra minn hekk, il-gowlkiper Andre Onana għadu msemmi li jista’ jingħaqad ma’ Manchester United iżda Marotta sostna li m’għandu l-ebda għaġla minħabba li jrid jara x’se tkun it-triq ‘il quddiem.
