GREE Sliema Hotsticks rebħu t-turnament triangolari Trofeo Galatea fi Sqallija wara li kisbu żewġ rebħiet miż-żewġ logħbiet li lagħbu.
Fl-ewwel partita, is-Slimiżi għelbu lit-tim ospitu Galatea 4-1 bi Christ Agius jiskorja doppjetta u b’Alessandro Amore u Ryan Dalli li wkoll sabu x-xibka.
Sliema iddominaw it-tieni konfront kontra USD Unime Messina tant li rebħu 8-0. Christ Agius skorja tripletta b’Jaden Cutajar u Silas Plaehn awturi ta’ doppjetta. Ryan Dalli żied gowl ieħor għall-Blues.
Dan it-turnament kien importanti għal GREE Sliema Hotsticks hekk kif issa jippreparaw għall-istaġun 2023/24 li se jibda x-xahar id-dieħel.
