GREE Żurrieq Wolves Hotsticks irritornaw għar-rebħ fil-Kampjonat Nazzjonali tal-Hockey wara li għelbu lil White Hart 10-3.
Iż-Żrieraq, li kienu ġejjin minn telfa ta’ 7-4 kontra Qormi, għamlu l-intenzjonijiet tagħhom sa mill-bidu għalkemm l-ewwel żewġ quarters tal-logħba kienu bilanċjati b’Żurrieq 2-0 minn fuq iżda b’White Hart li sa tmiem it-tieni quarter ġabu d-draw.
Minkejja kollox, iż-Żrieraq iddominaw it-tielet u r-raba’ quarter sabiex ħadu l-punti massimi minn dan il-konfront.
Alessandro Amore skorja erba’ gowls filwaqt li Jayden Cutajar skorja doppjetta. Christ Agius, Lukas Plaehn, Daniel Ellul u Stefano Schembri kellhom ukoll is-sodisfazzjon li jsibu x-xibka.
White Hart kellhom lil David Agius, Wyatt Magri u Glenn Bonello jiskorjaw gowl kull wieħed.
Umpire kienu Karl Chircop.
Fil-Hockey 7s, Qormi Daikin xejn ma sabuha faċli sabiex jegħlbu lil GREE Żurrieq Wolves Hotsticks 4-3.
Wyatt Magri skorja żewġ gowls filwaqt li Julian Zahra u Ayrton Falzon ukoll niżżlu isimhom fost l-iskorers.
Nicolai Runza, Daniel Ellul u Jayden Cutajar skorjaw għaż-Żrieraq.
Umpires kienu Karl Chircop u Shane Lovett.
Fil-kampjonat ta’ taħt l-14-il sena, Qormi Daikin għelbu lil Floriana Young Stars B 10-0.
Zackary Farrugia skorja tliet gowls filwaqt li kien hemm doppjetti Zain Lee Carabott, Eyen Toledano u Sam Cassar. Zack Xuereb żied gowl ieħor għal Qormi.
Umpires kienu Yan Camilleri u Xylon Cassar.
Mill-istess kampjonat, Marsascala Heat għelbu lil De La Salle Youngstars 2-0.
Liam Carabott kien protagonista għall-Iskalin meta skorja doppjetta.
Umpires kienu Alessandro Amore u Karl Chircop.