Minn Cristian Muscat
Gudja United ………..2
Zebbug Rangers …….1
Gudja United kitbu l-istorja meta telgħu fl-ewwel post tal-ogħla diviżjoni Maltija għall-ewwel darba fl-istorja tal-club meta għelbu lil Zebbug Rangers bl-iskor ta’ 2-1.
Huma ma setgħux kellhom bidu aħjar meta wara biss erba’ minuti fetħu l-iskor meta wara li rċieva minn cross mix-xellug ta’ Karl Micallef, VITO PLUT għola tajjeb fuq kulħadd u b’daqqa ta’ ras stupenda xeħet il-ballun fix-xibka.
Huma komplew fuq l-offensiva u fis-17-il minuta rduppjaw l-iskor meta reġa’ kien Karl Micallef li indirizza cross insidjuż bid-difiża tar-Rangers tonqos milli tikklerja l-ballun li finalment intemm għand JOHANN BEZZINA u permezz ta’ xutt mill-viċin ma żbaljax.
B’dawn iż-żewġ goals prattikament kmieni, il- Gudjani bdew jiddominaw u fl-24 minuta tilfu cans tad-deheb li jiskorjaw it-tielet goal meta Samuel Gomes Da Mata dar tajjeb mal-goalkeeper Jamie Azzopardi iżda sab lill-captain tar-Rangers, Shaun Bugeja, li salva l-ballun minn fuq il-linja fatali.
Erba’ minuti biss wara, il-coach ta’ Zebbug, Brian Spiteri kellu jaffettwa sostituzzjoni sfurzata hekk kif weġġa’ l-player Wilker Rocha Santos biex minfloku daħal jilgħab Randall Vella.
Fil-ftuħ tat-tieni taqsima Zebbug Rangers ħarġu iktar aggressivi fit-tentattiv li jnaqqsu l-marġni tal-iskor u jidħlu fil-logħba … u proprju Stanismir Miloskovic kellu x-xutt tiegħu minn tarf il-kaxxa jiġi salvat tajjeb mill-goalkeeper Gudjan, Glenn Zammit.
Huma komplew jippressaw u fit-68 minuta, freekick insidjuż ta’ Stefan Jankovic ġie devjat f’corner mill-barriera ta’ Gudja.
Fid-79 minuta, Gudja għamlu reazzjoni u kienu għoddhom skorjaw it-tielet goal meta Selenani Ahinga xeħet cross mix-xellug lejn Vito Plut li minn taħt il-lasti xeħet inkredibbilment għoli.
U ta’ dan in-nuqqas hum pattew qares minħabba li tliet minuti wara, kienu r-Rangers li naqqsu l-marġni tal-iskor meta wara li rċieva minn freekick u bid-difiża ta’ Gudja tonqos milli tikklerja l-ballun, CHARLES LOKOLI NGOY tefa’ ġewwa mill-viċin.
GUDJA U.: 1-Glenn Zammit, 3-Juan Ramires Bolanos, 5-Andre Prates, 9-Vito Plut (7-John Mintoff 79), 13-James Arthur, 14-Neil Anthony Micallef, 17-Karl Micallef, 19-Johann Bezzina (11-Benvenu Selemani Ahinga 64), 23-Neil Tabone, 39-Samuel Gomes Da Mata, 77-Nicolas Navarrea (22-Hubert Vella 54) – Coach: Andrea Agostinelli
ZEBBUG R.: 1-Jamie Azzopardi, 3-Shaun Bugeja (5-Travis Bartolo 79), 4-Leandro Almeida, 6-Wilker Rocha Santos (16-Randall Vella 28), 7-Yanis Tonna (8-Ayrton Mizzi 62), 10-Stefan Jankovic, 11-Charles Lokoli Ngoy, 15-Roberto Enrique Sanchez, 18-Amir De Jesus Soto Maldonado, 21-Stanimir Milsokovic (9-Miguel Perez Jimenez 62), 23-Kurt Bondin – Coach: Brian Spiteri
REFEREE: Ishmael Barbara
ASS. REFEREES: Luke Portelli, Duncan Spencer
RABA’ UFF: Alex Johnson
SKORERS: V. Plut 4, J. Bezzina 17 (GU), C. Ngoy 82 (ZR)
AMMONITI: W. Rocha Santos, Y. Tonna, R. Vella (ZR), J. Ramires Bolanos, G. Zammit (GU)
