Valletta……………….0
Gudja U……………….1
Gudja United għelbu lil Valletta bl-iskor minimu ta’ 1-0, biex komplew jikkonfermaw staġun mill-aktar diżappuntanti għall-Beltin waqt li telgħu fil-ħames post tal-klassifika, b’punti ndaqs daqs Mosta iżda l-Gudjani għandhom differenza ta’ goals aħjar.
Ta’ nota huwa l-fatt li din kienet is-seba’ logħba fl-istorja bejn Gudja United u Valletta, bil-Gudjani jirbħu ħamsa, Valletta jirbħu wahda, bil-partita l-oħra tintemm fi draw.
F’dawn il-logħbiet, Gudja skorjaw 12 kontra l-erbgħa ta’ Valletta.
Huma fetħu l-iskor proprju fl-ewwel periklu li ħolqu fil-ħames minuta meta wara li rċieva minn azzjoni ta’ corner mogħti minn Ayrton Azzopardi, l-Albaniż Eslit Sala b’daqqa ta’ ras lura klerja ħażin bil-ballun jintemm għand ANDRE PRATES li kien fil-post it-tajjeb fil-mument opportun u mill-viċin tefa’ ġewwa.
Valletta wieġbu fid-19-il minuta meta wara li rċieva minn pass ta’ Enmy Manuel Pena Beltre, Oke Apoveta, kellu daqqa ta’ ras mill-viċin li ntemmet ftit barra.
Huma komplew fuq l-offensiva u fl-40 minuta Brandon Paiber kellu freekick insidjuż li ġie salvat minn mal-art b’diffikultá mill-goalkeeper ta’ Gudja, Glenn Zammit.
Kulma jmur kompla d-dominju assolut Belti u fit-43 minuta xutt minn tarf il-kaxxa ta’ Oke Akpoveta ġie salvat tajjeb minn Zammit.
Żewġ minuti biss wara Jean-Marie Nnomo dejjem għall-Beltin kellu xutt fil-baxx minn barra l-kaxxa li ġie salvat minn mal-art minn Zammit.
Kien biss fit-68 minuta li waslet l-azzjoni sussegwenti, b’Gudja jkunu huma li joħolqu l-periklu meta xutt mill-viċin tas-sostitut Tensior Gusman ġie salvat tajjeb mill-goalkeeper Taljan tal-Lilywhites, Alessandro Guarnone.
Valletta wiegbu fis-76 minuta meta s-sostitut Flavio Silva Cheveresan minn qagħda ideali sab lil Glenn Zammit attent.
Huma komplew jiddettaw il-logħob fit-tentattiv ovvju li jġibu l-iskor indaqs u żewġ minuti biss wara, Eslit Sala, wara li rċieva minn cross mix-xellug, kellu tentattiv mill-viċin li għadda ftit barra.
Valletta: 26-Alessandro Guarnone, 3-Enzo Ruiz (88-Flavio Silva Cheveresan 60), 4-Jean Borg, 5-Ryan Camilleri (14-Christian Gauci 60), 9-Andrea Zammit, 11-Oke Akpoveta, 18-Enmy Manuel Pena Beltre, 21-Bradley Steed Fewo Kamdem, 22-Brandon Paiber, 28-Jean Marie Ulrich Nnomo Ngong, 66-Eslit Sala Coach: Thane Micallef
Gudja U.: 1-Glenn Zammit, 3-Juan Ramires Bolanos, 5-Andre Prates, 9-Vito Plut, 10-Ayrton Azzopardi (99-Tensior Gusman 61) (7-John Mintoff 87), 13-James Arthur, 17-Karl Micallef, 22-Hubert Vella, 30-Matias Muchardi, 39-Samuel Gomes Da Mata (77-Nicolas Navarrete 46), 88-Farid Romero Zuniga Coach: Andrea Agostinelli
Referee: Stefan Pace
Ass. Referees: Duncan Sultana, Shaun calleja
Raba’ Uffiċjal: Alex Johnson
Skorers: A. Prates 5 (G)
Ammoniti: O. Akpoveta, J. M. Nnomo Ngong (V), F. Romero Zuniga, J. Ramires Bolanos (G)
Player tal-Logħba: Andre Prates (G)
