Ġuvni ta’ 22 sena ttieħed l-Isptar Ġenerali ta’ Għawdex wara li ftit tal-ħin ilu, kien involut f’inċident tat-traffiku fi Triq l-Imġarr f’Għawdex.
Minn informazzjoni li kiseb dan is-sit jirriżulta illi l-ħabta seħħet bejn vann u mutur. Fuq il-post issejjaħ tim mediku mill-Isptar Ġenerali ta’ Għawdex li ta l-ewwel għajnuna lis-sewwieq ta’ mutur, sakemm dan ittieħed l-Isptar.
Sa issa l-kundizzjoni tiegħu għadha mhix magħrufa. L-investigazzjonijiet tal-Pulziija għadhom għaddejjin.
