L-attakkant internazzjonali Svedi, Viktor Gyokeres, neħħa kull possibbilta’ li jista’ jingħaqad ma’ Manchester United għallinqas sal-aħħar ta’ dan l-istaġun. Hu sostna li jrid itemm l-istaġun mat-tim minn Lisbona anke għax jiddejjaq jidħol ma’ tim f’nofs staġun.
Gyokeres għandu 26 sena u lagħab 44 logħba ma’ Sporting Lisbon filwaqt li skorja 45 gowl. Fil-passat hu kellu wkoll esperjenzi fl-Ingilterra ma’ Swansea City, Brighton and Hove Albion u Coventry City.
