Mosta……………0
Gzira U…………..2
Gzira United irritornaw għar-rebħ meta għelbu lil Mosta bl-iskor ta’ 2-0 biex b’hekk saħħew it-tieni post tal-klassifika.
Il-Maroons ħarġu fuq l-offensiva u fetħu l-iskor wara biss sitt minuti meta xutt ta’ Gabriel Bohrer Mentz ġie salvat parzjalment mnn Ini Etim Akpan u mir-rebound, MAXUELL MAIA tefa’ ġewwa.
Jefferson kien għoddu rdoppja l-iskor għat-tim tiegħu fil-11-il minuta meta huwa avvanza tajjeb iżda wiċċ imb’wiċċ ma’ Akpan, tefa’ barra.
Mosta wieġbu fid-19-il minuta meta Zachary Brincat għadda tajjeb lejn Christ Ememe li avvanza tajjeb fil-kaxxa iżda tefa’ barra.
Fit-38 minuta, Gabriel Bohrer Mentz kellu freekick insidjuż li ntemm ftit barra.
Fil-ftuh tat-tieni taqsima Gzira komplew bl-istess ritmu tal-ewwel waħda u fil-50 minuta, il-captain Nikolai Muscat kellu xutt mill-viċin li stampa mal-wieqfa.
Il-Maroons issiġillaw ir-rebħa permezz tat-tieni goal fil-75 minuta, meta Toni Kolega għadda tajjeb lejn JEFFERSON DE ASSIS li dar tajjeb mal-player avversarju li kien qed jimmarkah u permezz ta’ xutt b’saħħtu tefa’ l-ballun fir-rokna tas-saqaf tax-xibka.
Mosta: 12-Ini Etim Akpan, 8-Christ Ememe, 11-Duane Bonnici (14-Johnson Nsumoh 57), 13-Clayton Failla, 16-Gianluca Sciberras (10-Precious Tenebe 57), 20-Boubakary Diarra, 30-Jacob Akrong, 33-Geoffrey Edwin Acheampong (99-Tobi Akiti 69), 43-Steve Kingue, 74-Jake Vassallo, 77-Zachary Brincat Coach: Joseph Grech
Gzira U.: 30-Darijan Zarkov, 3-Gabriel Bohrer Mentz, 5-Luke Tabone, 6-Nikolai Muscat (4-Andrew Borg 90), Zachary Scerri, 9-Marcelo Dias, 22-Toni Kolega, 23-Ricardo Correa Duarte (16-Luis Carlos Riascos 46), 44-Marko Cosic, 91-Maxuell Maia (98-Jackson Mendoza 72), 94-Jefferson De Assis (47-Brooklyn Borg 90) Coach: Darren Abdilla
Referee: Matthew De Gabriele
Ass. Referees: Jurgen Spiteri, Paul Apap
Raba’ Uffiċjal: Etienne Mangion
Skorers: M. Maia 6, J. De Assis 75 (G)
Ammoniti: G. Sciberras (M), M. Dias, M. Cosic (G)
Player tal-Logħba: Jefferson De Assis (G)
