Gzira United………..….2
Hibernians………………0
Gzira United ikkonvinċew bis-sħiħ u għelbu lil Hiberians bl-iskor ta’ 2-0, bil-goals għalihom jaslu wieħed f’kull taqsima.
Kienu l-Maroons li ħolqu l-ewwel periklu fl-14-il minuta meta wara li rċieva minn corner ta’ Steve Pisani, Maxuell Maia, kellu d-daqqa ta’ ras tiegħu tintemm ftit barra.
Huma fetħu l-iskor fil-41 minuta meta JEFFERSON DE ASSIS qabeż tajjeb lill-captain tal-Pawlisti, Bjorn Kristensen, u permezz ta’ xutt angulat fil-baxx tefa’ ġewwa.
Fit-52 minuta, waslet l-ewwel azzjoni denja ta’ nota minn Hibernians meta xutt minn barra l-kaxxa ta’ Gabriel Mensah għadda barra.
Huma komplew fuq l-offensiva u sitt minuti wara rebħu penalty meta Luis Carlos Riascos waqqa’ lil Gabriel Mensah fil-kaxxa. Iżda mill-11-il metru nkariga ruħu Jurgen Degabriele li ra lill-goalkeeper Kroat tal-Maroons, Darijan Zarkov, idawwar tajjeb f’corner.
Gzira approfittaw mill-fatt li l-Pawlisti naqsu milli jsibu x-xibka hekk kif issiġillaw ir-rebħa permezz tat-tieni goal fis-66 minuta meta wara li rċieva minn cross fil-baxx ta’ Marcelo Dias, JEFFERSON DE ASSIS, b’xamma kbira għall-goal tefa’ ġewwa, bil-goalkeeper Justin Haber jipprova jsalva l-ballun, iżda dan kien diġá qabeż il-linja fatali.
Huma komplew jamministraw il-vantaġġ doppju li kellhom sa tmiem il-partita.
Gzira U.: 30-Darijan Zarkov, 3-Gabriel Bohrer Mentz, 5-Luke Tabone, 7-Steve Pisani, 8-Zachary Scerri, 9-Marcelo Dias, 16-Luis Carlos Riascos (98-Jackson Menodoza 64), 22-Toni Kolega, 44-Marko Cosic, 91-Maxuell Maia (6-Nikolai Muscat 81), 94-Jefferson De Assis (11-Lucas Ribeeiro De Oliveira 76) Coach: Darren Abdilla
Hibernians: 16-Justin Haber, 3-Ferdinando Apap, 4-Kurt Shaw, 6-Gonzalo Llerana Bravo, 7-Thaylor Aldama (23-Yunusa Owolabi Muritala 77), 10-Jurgen Deganriele (9-Jairo Morillas Rivero 83), 11-Bjorn Kristensen (8-Jake Grech 68), 12-Dunstan Vella, 17-Gabriel Mensah, 22-Gabriel Izquier Artiles, 42-Ali Diakite Coach: Andrea Pisanu
Referee: Ishmael Barbara
Ass. Referees: Roberto Vella, James Muscat
Raba’ Uffiċjal: Emanuel Grech
Skorers: J. De Assis 41, 66 (G)
Ammoniti: F. Apap (H), J. De Assis, J. Mendoza (G)
Player tal-Logħba: Jefferson De Assis (G)
