Gzira United ………….4
Hamrun Spartans ….1
Tliet goals fi tmien minuti ta’ Jefferson de Assis dawru telfa f’rebħa għal Gzira United fuq Hamrun Spartans bl-iskor ta’ 4-1 biex prattikament temmew it-tamiet għall- istess Spartans fit-tentattiv li jkomplu jisfidaw għar-rebħ tat-titlu.
Il-Ħamruniżi kellhom aktar pussess tal-ballun kmieni fil-partita iżda kienu l-Gżirjani li ħolqu l-ewwel opportunitá ta’ skor meta fis-seba’ minuta Mendoza għadda l-ballun lejn Maxuell Maia wara li Joseph Mbong u Steve Borg fallew milli jikklerjaw u l-attakkant Brażiljan ta’ Gżira kien sfortunat li ġie mċaħħad mill-mimduda.
Fid-29 minuta, Soares għadda lejn Predrag Djordjevic mix-xellug iżda x-xutt minn barra l-kaxxa ta’ dan spiċċa barra.
Erba’ minuti fit-tieni taqsima, kienu Ħamrun li fetħu l-iskor meta Soares għadda l-ballun lejn FRANKLIN SASERE li żmarkat quddiem il-goalkeeper ma falliex b’xutt fil-baxx.
Iżda tliet minuti wara, Gżira kisbu d-draw hekk kif Gojkovic dam ma qassam il-ballun lejn il-goalkeeper sieħbu u Pisani xellef il-ballun lejn JEFFERSON DE ASSIS li tefa’ ġewwa mill-viċin.
Lanqas laħqu għaddew żewġ minuti li l-Maroons ma marrux 2-1 minn fuq meta Maia għadda lejn Scerri fil-kaxxa u mix-xutt angolat ta’ dan, il-ballun deher jiġi mibrum għal ġewwa minn Djordjevic b’JEFFERSON DE ASSIS bir-ras ikompli għal ġewwa.
Fid-59 minuta, Gżira skorjaw it-tielet goal meta ħarba fuq il-lemin, Maia għadda l-ballun lejn JEFFERSON DE ASSIS li għal darb’oħra għeleb lil Bonello mill-viċin.
Fit-73 minuta Hamrun wieġbu b’corner ta’ Oyama li Zarkov dawwar f’corner iżda fil-kumplament tal-ħin, id-difiża ta’ Gżira kkontrollat bla diffikultá biex żewġ minuti mit-tmiem, huma kabbru l-iskor meta Mendoza għadda l-ballun lejn MAXUELL MAIA li għeleb lil Bonello b’xutt angolat mil-lemin.
GZIRA U.: 30-Darijan Zarkov, 3-Gabriel Bohrer Mentz, 4-Marko Cosic, 5-Luke Tabone, 6-Nikolai Muscat, 7-Steve Pisani (17-Clive Gauci 84), 8-Zachary Scerri, 19-Antonio Pavic, 91-Maxuell Maia (21-Matthew Robert Gauci 91), 94-Jefferson de Assis (21-Jean Paul Attard 91), 98-Jackson Mendoza. – Coach: Darren Abdilla
HAMRUN S.: 1-Henry Bonello, 4-Darko Gojkovic, 7-Joseph Mbong, 10-Ailton Jorge Soares, 12-Arthur Oyama, 15-Steve Borg, 17-Franklin Sasere, 20-Matteo Fedele, 23-Luke Gambin (9-Carlos Ibarguen Hinojsa 60), 29-Predrag Djordjevic (8-Christian Mercieca 61), 92-Faissal El Bakhtaoui. – Coach: Mark Buttigieg
REFEREE: Malcolm Spiteri
ASS. REFEREES: Mitchell Scerri, Christopher Francalanza
RABA’ UFF: Andrea Sciriha
SKORERS: : F. Sasere 49 (HS); Jefferson de Assis, 52, 54, 59, Maxuell Maia 88 (GU)
AMMONITI: S. Pisani (GU); D. Gojkovic, S. Borg, F. Sasere (HS)
