F91 Dudelange …….2
Gzira United ………..1
(Aggregate: Gzira United 3-2)
Gzira United komplew jiktbu l-istorja meta kkwalifikaw għat-tielet round ta’ kwalifikazzjoni tal-UEFA Conference League. Minkejja li fit-tieni leg tat-tieni round huma sfaw megħluba bl-iskor ta’ 2-1 minn F91 Dudelange, il-Gżirjani rebħu bl-aggregate ta’ 3-2 wara li fl-ewwel leg, li ntlagħab fis-Centenary Stadium, huma kienu ħarġu rebbieħa bl-iskor ta’ 2-0.
L-ewwel taqsima kienet waħda movimentata fejn il-ballun beda tiela’ u nieżel fuq kull naħa iżda l-azzjonijiet perikolużi kienu kemmxejn skarsi minkejja li Jackson Mendoza resaq viċin għal Gzira United filwaqt li Oege van Lingen u Samir Hadji għamlu l-istess għal Dudelange.
Peró seba’ minuti minn tmiem l-ewwel taqsima t-team tal-Lussemburgu fetaħ l-iskor meta Samir Hadji għeleb lill-goalkeeper David Cassar dirett minn free-kick.
Konxji mill-fatt li riedu goal biex isalvaw il-partita u jmorru għall-ħin barrani, mal-ftuħ tat-tieni taqsima Dudelange xeħtu kollox fuq l-offensiva iżda bl-ebda mod ma setgħu jinfdu lid-difiża Gżirjana … sakemm fl-84 minuta rnexxielhom jagħmlu dan meta Samir Hadji kkonkluda mill-pass ta’ Ivan Englaro.
Iżda tliet minuti mit-tmiem, Jose Wilkson ikkonkluda minn cross biex ta l-kwalifikazzjoni lit-team immexxi mill-coach Darren Abdilla biex issa jilagħbu kontra r-rebbieħ bejn FC Viktoria Plzen tar-Repubblika Ċeka u FC Drita tal-Kosovo.
Dudelange: 16-Didier Desprez, 2-Ismael Sidibe, 3-Kino Delorge, 6-Bruno Freire (70-Marc Liby Thomas 89), 8-Filip Bojic (4-Ivan Englaro 74), 9-Oege Sietse van Lingen, 10-Edis Agonic, 18-Dylan Kuete (17-Yannick Schaus 64), 23-Samir Hadji, 27-Jean Sylvio Ouassiero (80-Sinan Altun 90), 67-Vincent Decker, – Coach: Jamath Shoffner
Gzira U.: 1-David Cassar, 2-Carlos Chaba, 4-Andy Borg (3-Gabriel Mentz 86), 8-Zachary Scerri, 9-Marcelo Dias, 11-Lucas Macula (23-Jose Costa Silva Ewertton 77), 20-Farid Romero, 47-Brooklyn Borg, 74-Jose Wilkson, 93-Thiaguinho, 98-Jackson Mendoza – Coach: Darren Abdilla
Referee.: Yigal Frid (Iżrael)
Assitenti: David Elias Biton, Matityahu Yakobov (Iżrael)
Raba’ Uff.: Idan Leiba (Iżrael)
Skorers.: S. Hadji 38, 84 (D); J. Wilkson 87 (GU)
Ammoniti.: J. Wilkson, L. Macula, D. Cassar (GU); F. Bojic (D)
