Hekk kif jumejn ilu Juventus għelbu lil Manchester City bl-iskor ta’ 2-0 fil-UEFA Champions League, sar magħruf il-plejer li kellhom bħala avversarju l-Erbgħa filgħaxija iġifieri Erling Braut Haaland kellu ċans kbir li lura għas-sena 2017 jingħaqad magħhom.
Fil-fatt dak iż-żmien Haaland kellu 17-il sena u kien qed jiġi rrappreżentat minn Mino Raiola bħala aġent. Dak iż-żmien Juventus kienu għaddejjin minn xi taqlib fid-diriġenza u Haaland bħal donnu ma tantx għoġbu dan l-ambjent. Apparti minn hekk hu ma kellux garanzija li se jilgħab fl-ewwel tim hekk kif kien imwiegħed li jibda minn Juventus NextGen.
Fl-istess waqt, il-klabb ta’ dak iż-żmien Molde kien qed jevalwa numru ta’ offerti u eventwalment hu mar ma’ RB Salzburg fejn kulħadd jaf x’għamel. Eventwalment hu lagħab ukoll ma’ Borussia Dortmund qabel ma’ ngħaqad ma’ Manchester City fl-2022.
