Aktar kmieni għall-ħabta tas-2.30 p.m, ajruplan żgħir kien involut f’inċident fuq ir-runway prinċipali tal-ajruport internazzjonali ta’ Malta.
L-ajruport fi stqarrija kkonferma li t-tim tiegħu ta’ salvataġġ intbagħat fuq il-post minnufih. L-unika membru tal-ekwipaġġ abbord l-ajruplan ma sofra l-ebda ġrieħi.
Filwaqt li r-runways kellhom jingħalqu, issoktat il-ħidma biex l-operazzjoni fl-ajruport tkun tista’ tkompli b’mod normali.
Bħalissa għaddejja investigazzjonijiet biex ikun stabbilit x’ikkawża dan l-inċident.
