Ħaddiem Eritrean ta’ 21 sena residenti Birżebbuġa weġġa’ serjament wara li waqa’ xi rħam fuqu.
L-inċident seħħ illum għall-ħabta tas-2.30p.m. ġewwa fabbrika li tinsab fiż-Żona Industrijali ta’ Ħal Far.
Il-vittma ngħata l-għajnuna minn tim mediku, ittieħed l-Isptar Mater Dei b’ambulanza u ġie ċċertifikat li sofra ġrieħi serji.
Il-Maġistrat tal-Għassa Monica Vella ġiet infurmata bil-każ u ħatret inkjesta.
L-investigazzjonijiet tal-Pulizija għadhom għaddejjin.
