Ħaddiem ta’ 31 sena minn Bormla weġġa’ wara li waqa’ għoli ta’ madwar tliet sulari waqt li kien qed jagħmel xogħol bil-‘membrane’.
L-Awtorità għas-Saħħa u s-Sigurtà fuq il-post tax-xogħol (OHSA) qalet li l-każ seħħ dalgħodu ġewwa l-Imrieħel.
Ir-raġel ingħata l-għajnuna minn tim mediku u membri mid-Dipartiment tal-Protezzjoni Ċivili filwaqt li ttieħed l-Isptar Mater Dei permezz t’ambulanza. Aktar tard hu ġie ċċertifikat li qiegħed isofri minn ġrieħi gravi.
L-OHSA bdiet l-investigazzjonijiet tagħha dwar dan il-każ filwaqt li spjegat li peress li l-investigazzjoni għadha għaddejja, hija ma tistax tagħmel aktar kummenti għalissa.
