Id-Deputat Nazzjonalista Jason Azzopardi waqt id-domandi parlamentari staqsa lill-Ministru għall-Finanzi u x-Xogħol Clyde Caruana jekk huwiex fi stat li jikkonferma li pajjiżna kapaċi jitneħħa mil-lista l-griża f’inqas minn 18-il xahar mid-data li fiha pajjiżna spiċċa fuq din il-lista.
Il-Ministru Caruana qal fuq dan is-suġġett dejjem qagħad attent xi jwieġeb, iżda li hu żgur li d-diskussjonijiet għaddejjin ġmielhom. Huwa sostna li lil hinn mill-kameras, qiegħed isir ħafna xogħol minn wara l-kwinti u qiegħed isir dak kollu possibbli biex fl-iqsar żmien possibbli dan il-pajjiż ikun jista’ jitneħħa minn fuq dik il-lista.
