Al Ahli jinsabu interessati li jiksbu s-servizzi tal-plejer ta’ nofs il-grawnd Tork Hakan Calhanoglu. Dan tal-aħħar 29 sena u qed jinteressa mhux ftit lit-tim mill-Arabja Sawdija.
Min-naħa tiegħu, Calhanoglu għadu xi ftit indeċiż x’għandu jagħmel minħabba li jinsab għal qalbu man-Nerazzurri għalkemm il-flus kapaċi jbidlulu kompletament fehmtu.
Inter diġa’ ċedew lil Marcelo Brozovic lil Al Nassr wara żmien twil jilgħab magħhom.
Calhanoglu ġie akkwistat minn Inter mingħand Milan fejn ilu sa mis-sena 2021 u lagħab 68 partita filwaqt li skorja 10 gowls.
