Hamrun 147 A huma r-rebbieħa tan-National Christmas Trophy organizzata mill-Malta Blackball Federation wara finali ferm missielta fejn għelbu lil Valletta Breakwater 13-10.
Iż-żewġ naħat kienu ras imb’ras tul il-logħba kollha b’Ħamrun u Valletta li jalternaw fil-vantaġġ tagħhom għalkemm sa tmiem il-logħba spiċċat 10-10.
B’dan l-iskor kellha tinfetaħ il-ħames sessjoni sabiex jiġi dikjarat ir-rebbieħ ta’ dan il-konfront. Kien hawn li Ħamrun 147 A kienu determinati tant li rebħu t-tliet frames li segwew sabiex b’hekk kisbu dan l-unur tant prestiġġjuż.
Fi tmiem il-konfront, il-president tal-Malta Blackball Federation Philip Gatt ippreżenta t-tazza lill-captain ta’ Ħamrun 147 A Mevrick Zammit.
