Ħamrun 147 A għelbu lil Cospicua Rangers A 11-6 fil-finali tan-National Easter Trophy li ntlagħbet fil-Fuego Speakeasy Arena f’Birkirkara. Il-Ħamruniżi ddominaw l-ewwel parti tal-logħba għalkemm f’ħin minnhom il-Bormliżi bdew ġejjin tant li kienu 7-6.
Eventwalment il-Ħamruniżi reġgħu xammru l-kmiem sabiex reġgħu qabdu l-konsistenza b’Dejan Grech daħħal il-boċċa rebbieħa u ta t-tazza l-tim tiegħu.
Din kienet it-tielet finali li ntlagħbet matul dawn il-jiem hekk kif aktar qabel, Qormi Anici Cappadocia rebħu l-Community Easter Cup filwaqt li San Ġwann Tiki Taka A kisbu suċċess fir-Regional Easter Cup.
