Valletta……………..1
Hamrun S…………..2
F’partita mill-isbaħ, Hamrun Spartans dawru telfa f’rebħa ta’ 2-1 kontra r-rivali antiki Valletta biex b’hekk kisbu post fil-kwarti tal-finali tal-IZIBET FA Trophy.
Kienu Valletta li ħarġu fuq l-offensiva u fetħu l-iskor proprju fl-ewwel periklu li ħolqu wara seba’ minuti meta wara li rċieva minn cross mil-lemin ta’ Shaun Dimech, FEDERICO FALCONE kellu daqqa ta’ ras mill-viċin li ntemmet ġewwa.
Hamrun wieġbu mal-kwarta logħob permezz ta’ freekick insidjuż mil-lemin ta’ Roko Prsa li għadda ftit għoli.
Valletta reġgħu ħolqu l-periklu ħames minuti wara meta Shaun Dimech serva fuq platt tal-fidda lil Kilian Bevis bixtt geheu minn aianai idleia jinetmm fit barra.
Il-partita kompliet tisbieħ u fil-31 minuta, Hamrun, kienu sfortunati li ma fetħux l-iskor meta cross ta’ Ryan Camenzuli sab lil Roko Prsa li kellu t-tentattiv tiegeu minn daqqa ta’ ars mill-viċin jistampa mal-wieqfa, biex Kilian Bevis ikklerja l-ballun ‘il bogħod minn kull periklu.
L-Ispartans komplew jippressaw għall-goal tad-draw u fil-45 minuta eżattament qabel tmiem l-ewwel taqsima, xutt minn tarf il-kaxxa ta’ Ederson ġie salvat mill-goalkeeper żagħżugħ tal-Beltin, Cain Formosa.
Hamrun ġabu l-iskor indaqs fil-61 minuta meta Roko Prsa kellu xutt minn barra l-kaxxa parzjalment salvat minn Formosa u s-sostitut ELVIS MASHIKE SUKISA kien fil-post it-tajjeb fil-mument opportun u mill-viċin tefa’ ġewwa.
Huma skorjaw il-goal tar-rebħa fit-72 minuta meta Juan Carlos Corbalan xeħet cross mil-lemin, b’Roko Prsa jipprova jikkontrolla l-ballun, iżda twaqqa’ minn Pena Beltre fil-kaxxa bir-referee Trustin Farrugia Cann jordna penalty, li minnu MATTHEW GUILLAUMIER ma żbaljax.
Valletta: 99-Cain Formosa, 3-Enzo Ruiz, 10-Shaun Dimech (8-Triston Caruana 79, 11-Nilton Soares (66-Eslit Sala 72), 18-Enmy Manuel Pena Beltre (91-William W. Jebor 78), 20-Federico Falcone, 21-Bradley Steed Kamdem, 22-Brandon Paiber, 24-Rowen Muscat (9-Andrea Zammit 73), 28-Jean Marie Ngong, 93-Kilian Bevis Coach: Thane Micallef
Hamrun S.: 1-Henry Bonello, 3-Ederson (77-Joseph Mbong 61), 4-Steve Borg, 6-Matthew Guillaumier, 12-Roko Prsa, 23-Karl Holmberg (9-Elvis Mashike Sukisa 46), 27-Ognjen Bjelicic, 28-Juan Carlos Corbalan, 63-Jonny (7-Luke Montebello 88), 91-Emerson Marcelina, 94-Ryan Camenzuli Coach: Brnao Nisevic
Referee: Trustin Farrugia Cann
Ass. Referees: Luke Portelli, Roberto Vella
Raba’ Uffiċjal: Ishmael Barbara
Skorers: F. Falcone 7 (V), E. Mashike Sukisa 61, M. Guillaumier pen. 72 (H)
Ammoniti: E. M. Pena Beltre (V), S. Borg (H)
