Minn Cristian Muscat
Hamrun S. ……… 2
Pietá H ……………0
Hamrun Spartans kisbu t-tieni rebħa konsekuttiva meta għelbu lil Pietá Hotspurs bl-iskor ta’ 2-0, biż-żewġ goals jaslu fl-ewwel 20 minuta tal-partita. Huma dehru superjuri għat-team promoss u ddettaw il-logħob mingħajr tbatija, bl-iskor seta’ faċilment kien ikbar.
L-Ispartans ħarġu fuq l-offensiva u fetħu l-iskor wara 12-il minuta meta Ryan Camenzuli xeħet cross mil-lemin li wasal għand JONNY li minn pożizzjoni ideali għeleb lill-goalkeeper żagħżugħ ta’ Pietá Hotspurs, Reeves Cini.
Huma komlew jiddominaw u tmien minuti wara rduppjaw meta cross ta’ Eder ġie kklerjat qasir bil-ballun jintemm għand Matthew Guillaumier li kellu x-xutt mill-ewwel tiegħu jiġi devjat għal ġewwa minn ELVIS MASHIKE SUKISA.
Il-Hotspurs wieġbu għall-ewwel darba fl-34 minuta meta Zean Leonardi rċieva minn corner mogħti minn Ito Yasukaze iżda d-daqqa ta’ ras mill-viċin għadda jħakkaek mal-wieqfa bil-goakeeper Spanjol tal-Ispartans Pablo Sanchez megħlub għal kollox.
Mill-azzjoni li segwiet fuq in-naħa l-oħra tal-ground sekondi biss wara, Jonny kellu xutt insidjuż li ġie salvat tajjeb minn Cini wara li ntefa’ minn tulu fl-art.
Fid-39 minuta, Luke Montebello għall-Ispartans temm azzjoni personali fuq ix-xellug billi indirizza cross li gie devjat ghal għand Masike li kellu t-tentattiv tieghu jintemm ftit barra.
Fil-ftuh tat-tieni taqsima, il-coach tal-Hotspurs Rodney Bugeja wettaq tliet tibdiliet fejn Daniel Zerafa, Jake Ghio u Kian Leonardi ħadu post Kurt Briffa, Samuel Okoh u Sekou Camara rispettivament.
Hamrun bdew jamministraw tajjeb il-vantaġġ doppju li kellhom u fis-67 minuta Rodrigo Callegari wara li rċieva minn corner mogħti minn Matteo Fedele, kellu daqqa ta’ ras mill-viċin tintemm barra.
Fit-80 minuta il-Hotspurs kienu għoddhom naqsu l-marġni tal-iskor meta Ito xeħet through pass lejn Takuma Yamaguchi li żmarkat fil-kaxxa ra lil Pablo Sanchez joħroġ minn postu biex interċetta kull periklu.
Fl-84 minuta l-Ispartans rebħu penalty meta Terence Agius, li kien ilu biss sitt minuti fil-ground, waqqa’ lil Dodo fil-kaxxa iżda mill-11-il metru l-attakkant minn Cape Verde kellu x-xutt tiegħu jistampa ma’ sieq il-wieqfa, bil-Hotspurs jeħilsuha ħafif.
Hamrun S.: 56-Pablo Sanchez, 3-Ederson, 4-Steve Borg, 6-Matthew Guillaumier, 7-Luke Montebell (10-Dodo 70), 9-Elvis Mashike Sukisa, 20-Matteo Fedele (33-Zeron Azzopardi 89), 27-Ognjen Bjelicic (14-Rodrigo Callegari 56), 63-Jonny (77-Shaisen Attard 70), 91-Emerson Marcelina, 94-Ryan Camenzuli Coach: Branko Nisevic
Pietá H.: 1-Reeves Cini, 2-Samuel Okoh (7-Jake Ghio 46), 3-Clinton Bangura, 4-Sheldon Mizzi-6 (8-Terence Agius 78), 5-Ito Yasukaze, 17-Kurt Briffa (6-Daniel Zerafa 46), 22-Zean Leonardi, 24-Gania Atande Ogungbe, 77-Sekou Camara (95-Kian Leonardi 46), 90-Belibi Aboa-5 (19-Yuto Morita 68), 99-Takuma Yamaguchi Coach: Rodney Bugeja
Referee Ezekiel Barbara
Ass. Referees: Duncan Spencer, James Muscat
Raba’ Uffiċjal: Ishmael Barbara
Skorers: Jonny 12, E. Mashike Sukisa 20 (H)
Ammoniti: S. Camara, Z. Leonardi, T. Agius (P), S. Borg (H)
