Mosta……………..1
Hamrun S……….2
‘We are the Champions’ u ‘Tuna t-Tazza’ kantaw il-paritarji numerużi ta’ Hamrun Spartans preżenti fit-Tony Bezzina Stadium f’Kordin, hekk kif permezz ta’ rebħa ta’ 2-1 kontra Mosta, issa jinsabu pass ‘il bogħod mir-rebħ tat-tieni kampjonat fi tliet staġuni.
Hamrun Spartans kellhom lill-captain Steve Borg sospiż wara li tkeċċa fil-partita peċedenti mill-kampjonat kontra Birkirkara, liema konfront kien intemm fi draw ta’ mingħajr goals. Minfloku assuma r-responsabbiltajiet ta’ captain, Emerson Marcelina. Dan filwaqt li Mosta kellhom lid-difensur Tyrone Farrugia sospiż.
L-Ispartans għamlu l-intenzjonijiet tagħhom ċari mal-ftuħ tal-partita u fis-sitt minuta fetħu l-iskor meta Matthew Guillaumier għadda tajjeb lejn EDERSON BRUNO DOMINGOS li permezz ta’ xutt bid-dawra minn pozizzjoni ideali tefa’ ġewwa.
Huma komplew fuq l-offensiva u fit-12-il minuta, xutt mid-distanza ta’ Matthew Guillaumier għadda ftit barra.
Dan sabiex tliet minuti biss wara Elvis Mashike Sukisa kellu daqqa ta’ ras mill-viċin salvata mingħajr wisq diffikultá mill-goalkeeper ta’ Mosta, Ini Etim Akpan.
Mosta wieġbu fis-16-il minuta meta wara li rċieva minn azzjoni ta’ corner, Precious Linus Tenebe, kellu d-daqqa ta’ ras tiegħu tgħaddi ftit għoli.
Iżda fit-28 minuta, l-Ispartans rebħu penalty meta l-ex player internazzjonali Żvediż Karl Holmberg xeħet cross għan-nofs li deher jaħbat ma’ idejn Steve Kingue fil-kaxxa. Mill-11-il metru, inkariga ruħu l-iskorer prolifiku ELVIS MASHIKE SUKISA, li tefa’ l-ballun naħa u lil Akpan in-naħa opposta.
Fil-45 minuta wara li rċieva minn freekick ta’ Jorge Ailton Soares, Matthew Guillaumier, dejjem għall-Ispartans, minn qagħda ferm ideali ra l-konklużjoni tiegħu tintemm ftit barra.
Fil-ftuħ tat-tieni taqsima, Hamrun komplew bl-istess ritmu tal-ewwel waħda u fil-55 minuta, Ryan Camenzuli xeħet cross għal-lemin għan-nofs li sab lil Jorge Ailton Soares li iżda minn taħt il-lasta naqas milli jikkonkludi.
Mosta wieġbu ħames minuti wara u kellhom ferħa bla temma meta kellhom goal imħassar minħabba offside meta wara li rċieva minn freekick ta’ Clayton Failla, daqqa ta’ ras ta’ Steve Kingue intemmet ġewwa, iżda dan il-goal ma ġiex ikkonvalidat.
Mosta komplew jippressaw u fit-62 minuta naqqsu l-margni tal-iskor meta ZACHARY BRINCAT b’xutt mill-viċin tefa’ ġewwa.
Hamrun tilfu ċans tad-deheb li jergħu jirrestawraw vantaġġ ta’ żewġ goals minta biss wara, meta minuta biss wara Karl Holmberg kellu daqqa ta’ ras mill-viċin li ntemmet ftit barra.
Fit-80 minuta, is-sostitut Jonny kellu xutt minn taħt il-lasta li għadda ftit għoli.
Hmarun komplew jamministraw il-vantaġġ minimu li kellhom sa tmiem il-partita.
Mosta: 12-Ini Etim Akpan, 4-Glamour Eziefula Chibueze (21-Nathan Agius 46), 6-Roderick Briffa, 8-Christ Ememe, 10-Precious Linus Tenebe, 11-Duane Bonnici, 13-Clayton Failla (99-Ferebory Dore 75), 20-Boubakary Diarra, 24-Michael Chidera Okoh (18-Ibe Feargod 88), 43-Steve Kingue (77-Zachary Brincat 46), 74-Jake Vassallo (14-Kaishu Yamazaki 88) Coach: Joseph Grech
Hamrun S.: 1-Henry Bonello, 6-Matthew Guillaumier, 9-Elvis Mashike Sukisa (7-Luke Montebello 85), 10-Jorge Ailton Soares (63-Jonny 74), 23-Karl Holmberg (14-Rodrigo Callegari Torre 74), 25-Bruno Ederson Domingos, 27-Ognjen Bjelicic, 28-Juan Carlos Corbalan, 77-Joseph Mbong, 91-Emerson Marcelina, 94-Ryan Camenzuli Coach: Branko Nisevic
Referee: Emanuel Grech
Ass. Referees: Edward Spiteri, Mark Ciantar
Raba’ Uffiċjal: Slobodan Petrovic
Skorers: E. B. Domingos 6, E. Mashike Sukisa pen. 28 (H), Z. Brincat 62 (M)
Ammoniti: Ħadd
Player tal-Logħba: Ederson Bruno Domingos (H)