Balzan …………..1
Hamrun S. ……..7
Wara ħasda inizjali, hekk kif sofrew goal kmieni, Hamrun Spartans umiljaw lil Balzan meta għelbuhom bl-iskor kbir ta’ 7-1.
Kineu Balzan li fetħu l-iskor proprju fl-ewwel periklu li ħolqu fil-11-il minuta permezz ta’ xutt b’saħħtu ta’ ALEKSANDAR KATANIC li ntemm fis-saqaf tax-xibka.
Fid-19-il minuta Hamrun rebħu penalty meta Uros Duranocv twaqqa’ fil-kaxxa minn Triston Caruana.
Mill-11-il minuta LUKE MONTEBELLO ma żbaljax hekk kif permezz ta’ xutt fil-baxx tefa’ l-ballun naħa u lill-goalkepeer, Danilo Golovic, in-naħa opposta.
Fl-24 minuta, irduppjaw meta f’azzjoni maħduma bizzilla, UROS DURANOVIC, venven xutt b’saħħtu li ma ta l-ebda ċans lill-goalkeeper, Danilo Golovic, isalva.
Minuta mill-ftuħ tat-tieni taqsima, skorjaw it-tielet goal meta UROS DURANOVIC b’eleganza qabbeż il-ballun minn fuq Golovic, biex irreġistra doppjetta personali.
Huma komplew jiddettaw il-logħob u fit-58 minuta wara li rċieva minn cross mil-lemin, LUKE MONTEBELLO, kien fil-pożizzjoni t-tajba fil-mument opportun u mill-viċin tefa’ ġewwa.
Hamrun skorjaw il-ħames goal fit-73 minuta meta s-sostitut Seth Paintsil kellu x-xutt mill-viċin jaħbat mal-wieqfa, biex mir-rebound, ROKO PRSA ma żbaljax.
Fid-90 minuta, huma rebħu penalty li minnu inkariga ruħu LUKE MONTEBELLO li ma żbaljax.
Fil-ħin miżjud, l-Ispartans issiġillaw din il-goleada permezz ta’ xutt mill-viċin ta’ LUKE MONTEBELLO biex b’hekk irreġistra l-poker personali.
B’dawn l-erba’ goals, issa Montebello tella’ t-total għal 13 biex kabbar il-vantaġġ għal ħamsa quddiem Kemar Reid.
Min-naħa ta’ Balzan, ta’ min isemmi li din kienet l-agħar telfa fil-Kampjonat Premier meta dik preċedenti kienet bl-iskor ta’ 7-2 kontra Valletta, nhar it-13 ta’ Marzu, 2012.
BALZAN: 99-Danilo Golovic, 2-Ivan Bzozivic, 5-Samir Arab, 7-Triston Caruana (14-Dimeji Awosnya 61), 8-Paul Fenech, 10-Jan Busuttil (6-Marcus Grima 78), 21-Alkesandar Katanic (80-Geoffrey Blackwood 61), 23-Nikola Zerjal, 24-Nikola Braunovic, 27-Olivier Rommens, 77-Aleksa Andrejic (9- Maryluak Aguek 78) – Coach: Oliver Spiteri
HAMRUN S.: 1-Henry Bonello, 4-Steve Borg, 7-Luke Montebello, 12-Roko Prsa, 14-Elionay Freitas Da Silva (10-Joseph Essien Mbong 65), 23-Uros Duranovic (17-Yulian Nenov 65), 25-Ederson Bruno Domingos, 28-Juan Carlos Corbalan, 91-Emerson Marcelina (27-Ognjen Bjelicic 46), 94-Ryan Camenzuli (3-Kian Vella 83), 98-Jonny (30-Seth Paintsil 65) – Coach: Luciano Zauri
REFEREE: Philip Farrugia
ASS. REFEREES: Luke Portelli, Shaun Calleja
RABA’ UFF: Daniel Casha
SKORERS: L. Montebello 20, 57, 90, 92, U. Duranovic 24, 46, R. Prsa 73 (H), A. Katanic 11 (B)
AMMONITI: S. Arab, T. Caruana, P. Fenech (B), E. Freitas Da Silva (HS)
