Gerard Pique forsi mhux qed jilgħab ma’ Barcelona fil-bidu tal-istaġun il-ġdid ta’ La Liga, iżda d-difensur ċentrali qatt ma jonqos milli jsib xi ħaġa li tokkupah.
Il-kumpanija tiegħu Kosmos hija l-azzjonist maġġoritarju f’FC Andorra, li ġew promossi fis-Segunda Division dan is-sajf u huma mmexxija mill-eks assistent manager ta’ Barcelona, Eder Sarabia.
Jidher li Pique qed ifittex li juża l-kuntatti tiegħu sabiex jakkwista players għal Andorra dan l-istaġun wara li diġa’ iffirmaw lill-eks midfielder ta’ Barcelona B, Jandro Orellana, li kien rilaxxat dan is-sajf.
Issa jidher li Pique se jfittex stilla addizzjonali li skond il-midja dan huwa l-midfielder Tuneżin ta’ Manchester United, Hannibal Mejbri, li għalih se jibdew taħditiet ta’ self b’għażla ta’ xiri ta’ €25m.
