L-attakkant ta’ Bayern Munich, Harry Kane, skorja l-ewwel hat-trick tiegħu fil-Bundesliga u ta żewġ assists fit-tkaxkira tagħhom ta’ 7-0 fuq VfL Bochum nhar is-Sibt biex wassal biex issa skorja seba’ goals u stabbilixxa rekord tal-club għall-iktar goals minn player fl-ewwel ħames loghbiet tieghu fil-kampjonat.
It-tliet goals ta’ Kane poġġewh fuq it-tliet attakkanti leġġendarji, Gerd Mueller, Miroslav Klose u Mario Mandzukic, li kollha skorjaw ħames darbiet fl-ewwel ħames logħbiet tagħhom fil-Bundesliga.
Il-Bavarjani, li għelbu lil Manchester United 4-3 fil-ftuħ tagħhom taċ-Champions League nhar l-Erbgħa, setgħu żiedu tal-anqas ftit aktar kieku ma kienx għall-keeper Manuel Riemann u s-sensiela ta’ saves pendenti tiegħu matul il-partita.
Ir-rebħa tellgħet lil Bayern għal 13-il punt fl-ewwel post minn ħames logħbiet tal-Bundesliga. Bayer Leverkusen, fuq 10, jistgħu jingħaqdu magħhom jekk ilbieraħ jegħlbu lil Heidenheim.
