Harry Kane se jkun qed ifittex jikser rekord ta’ assists għall-Ingilterra meta t-Three Lions jiltaqgħu mas-Senegal fil-konfront tal-aħħar 16 tagħhom fit-Tazza tad-Dinja 2022, illum il-Ħadd fl-Al Bayt Stadium.
Il-player ta’ Tottenham Hotspur għad irid isib ix-xibka fil-Qatar, iżda wera l-abbiltajiet tiegħu billi pprovda tliet assists għal sħabu.
Kane provda l-assists fil-goals ta’ Raheem Sterling u Marcus Rashford fl-ewwel tal-Ingilterra bl-iskor ta’ 6-2 fuq l-Iran, u l-captain provda wkoll l-assist lil Phil Foden għat-tieni goal tat-Three Lions fir-rebħa ta’ 3-0 fuq Wales.
Billi għamel total ta’ tliet assists, il-player ta’ 29 sena sar l-ewwel player Ingliż li pprovda daqshekk ammont ta’ assits f’kampanja waħda tat-Tazza tad-Dinja wara li David Beckham għamel dan fit-tournament tal-2002.
Jekk Kane jipprovdi assist wieħed kontra s-Senegal fil-partita tal-lum, se jkun qed jsir l-ewwel player Ingliż li rreġistra erba’ assists f’kompetizzjoni ewlenija waħda sa mill-1966.