Harry Kane iddikjara interess li jingħaqad mal-ex manager ta’ Tottenham Hotspur Mauricio Pochettino ma’ Manchester United.
It-tnejn li huma kienu marbuta ma’ ċaqliq f’Old Trafford fis-sajf, u, wara t-tluq ta’ Ole Gunnar Solskjaer f’Novembru, il-coach ta’ Paris Saint-Germain Pochettino reġa’ qed jissemma’li jsita’ tabilħaqq isir il-manager il-ġdid tar-Red Devils.
Manchester United huma ħerqana li jagħmlu offerta għall-ex manager ta’ Tottenham kif ukoll għall-captain tal-Ingilterra b’dan tal-aħħar qal li qed jikkunsidra li jagħmel din il-bidla fil-karriera tiegħu.
B’Ralf Rangnick huwa l-manager temporanju tal-club minn Old Trafford sal-aħħar tal-istaġun, il-ġerarkija ta’ Manchester United identifikat lill-Arġentin flimkien mal-manager ta’ Ajax Erik ten Hag bħala l-kandidati ewlenin tagħhom biex jieħdu f’idejhom lill-club fl-istaġun il-ġdid.
Wara li ħalla lil Tottenham kmieni fl-istaġun 2019-20, huwa kien konsistentement marbut mal-kariga ta’ Manchester United qabel ma ħa t-tmexxija f’Pariġi, li fih kiseb titlu ta’ Coupe de France iżda naqas milli jirbaħ il-kampjonat tal-Ligue 1 fi Franza.
Sadanittant, Kane skorja ħames goals fil-Premier League għall-club mit-tramuntana ta’ Londra s’issa dan l-istaġun wara rabtiet mar-Red Devils u r-rivali ta’ Manchester City matul is-sajf, wara li skorja 163 goal flimkien ma’ 36 assist fl-aħħar seba’ staġuni sħaħ tal-ogħla livell.
