Teżisti possibbiltá li d-difensur internazzjonali Ingliż Harry Maguire se jħalli lil Manchester United. Rapporti qed isostnu li l-plejer ta’ 30 sena jista’ jerġa’ jingħaqad ma’ Leicester City li bħalissa jinsabu jissieltu kontra r-relegazzjoni.
Min-naħa tagħhom, il-Foxes lesti li jerġgħu jilqgħuh fi ħdanhom għalkemm mhux lesti jixtruh iżda jieħduh b’self.
Maguire ingħaqad ma’ Manchester United fis-sena 2019 fejn magħhom lagħab 113-il partita u skorja erba’ gowls.
