Id-Deputat Nazzjonalista Jason Azzopardi qal li hawn ħafna paroli dwar jekk hux se ssir elezzjoni ġenerali fil-ħarifa. Qal li hawn nies li qed iħossuhom imħawdin għax min jgħidilhom li rridu ngawdu s-sajf u min jgħidilhom li ma rridux nirbħu s-sajf u nitilfu ix-xitwa.
Hu kien qed jitkellem dwar l-abbozz ta’ liġi li jemenda l-kodiċi ta’ organizazzjoni u proċedura ċivili. Hu qal li l-Oppożizzjoni fis-sigħat li ġejjin se tkun qed tiltaqa’ mal-Kummissjoni Venezja għax l-Oppożizzjoni ma kinitx konsultata dwar il-proposti li għamel lil Kummissjoni Venezja. Qal li ħafna mill-proposti tal-gvern huma bidliet kożmetiċi.
