Il-midfielder offensiv ta’ Real Madrid Eden Hazard stqarr li jixtieq jilgħab iktar regolari mal-Merengues partikolarment fl-ewwel 11 tal-coach Carlo Ancelotti.
Hazard sostna li jħoss ferm in-nuqqas tal-logħob kompetittiv u mhux kuntent li jilgħab għal ftit minuti.
Min-naħa tiegħu, tkellem il-coach Carlo Ancelotti li qal li Hazard irid jiġġieled għal postu u jinsab fiduċjuż li l-paċenzja tiegħu se tippremjah.
Hazard ilu sa mill-2019 f’Estadio Santiago Bernabeu fejn skorja erba’ gowls f’51 partita. Minkejja kollox, hu kellu diversi mumenti fejn kien imweġġa’ u tilef ħafna mil-logħob tat-tim tiegħu.
