L-eks-Deputat Nazzjonalista Franco Debono, ħeġġeġ lid-Deputati Nazzjonalisti biex ma jkeċċu lil ħadd u minflok isibu t-triq tan-nofs. Huwa kien qiegħed jitkellem fid-dawl tal-kobba mħabbla li l-Partit Nazzjonalista jinsab fiha. Aktar kmieni din il-ġimgħa 19-il Deputat Nazzjonalista, inkluż Roberta Metsola u David Casa sfiduċjaw lill-Kap tal-PN Adrian Delia, minn Kap tal-Oppożizzjoni.
Debono, fuq il-profil tiegħu ta’ Facebook żied jgħid, “bħalma n-Nazzjonalisti lili jixtiequni lura bi ħġarhom jien nappella – ħallikom milli tkeċċu, sibu triq tan-nofs, sibu soluzzjoni.”
