Somalu ta’ 30 sena ngħata l-ħelsien mill-arrest wara li ġie mixli li weġġa’ gravi raġel ieħor fil-Gżira.
L-allegat każ seħħ fis-sigħat bikrin tal-Ħadd filgħodu fi Triq Sir William Reid.
Abdullahi Ali Hassan tressaq quddiem il-Maġistrat Ann Marie Thake mixli b’akkużi ta’ kkaġunar ta’ ġrieħi gravi, theddid u insulti kif ukoll li kien fis-sakra f’post pubbliku.
Il-Qorti semgħet kif il-Pulizija kienu mitluba jassistu fl-imsemmija triq wara rapporti li raġel xurban kien qed jikkawża kommossjoni. L-uffiċjali li marru fuq il-post kienu sabu lill-vittma mal-art mitluf minnn sensih u ttieħed
Hassan kien wasal fuq il-post ftit tal-ħin wara u informa lill-pulizija li huwa allegatament kien involut fl-inċident. Huwa kien arrestat għall-ħabta tat-3.00 a.m. fejn kien informat bir-raġunijiet għall-arrest tiegħu.
Fil-Qorti, id-Difiża talbet għall-ħelsien mill-arrest tal-imputat, bil-Prosekuzzjoni toġġezzjona minħabba li l-każ għadu fi stadju prematur filwaqt li l-vittma għadu rikoverat l-isptar.
Id-Difiża argumentat li l-imputat kellu fedina penali netta, ilu jgħix Malta għal dawn l-aħħar 12-il sena u li kienu hu stess li b’mod volontarju avviċina lill-pulizija biex ikellimhom dwar l-inċident. Id-Difiża qalet ukoll li l-klijent tagħha aġixxa biex jiddefendi lilu nnifsu.
Wara li semgħet liż-żewġ naħat, il-Maġistrat Thake tat il-benefiċċju tal-ħelsien mill-arrest lill-imputat fuq depożitu ta’ €2,000 u garanzija personali ta’ €18,000.
Il-Prosekuzzjoni tmexxiet mill-Avukat Valentina Cassar mill-Uffiċċju tal-Avukat Ġenerali flimkien mal-Ispettur Ian Azzopardi.
L-Avukati Franco Debono u Marion Camilleri dehru għall-imputat.
